«تانىستىرۋ», «تاعىلىمدى تاريح», «ەگەمەن قازاقستان بولاشاقتا», «ۇلتتىق باسىلىم – ۇلتتىق ءتىل» كەزەڭدەرى بويىنشا باقتارىن سىنادى.
كەشە وسكەمەندە «Egemen Qazaqstan» گازەتىنىڭ 100 جىلدىعىنا وراي «ۇلتتىق باسىلىم – ۇلتتىق ءتىل» اتتى وبلىستىق بايقاۋ ءوتتى. وبلىستىق تىلدەردى دامىتۋ جونىندەگى باسقارمانىڭ ۇيىمداستىرۋىمەن وتكەن سايىسقا وڭىرىمىزدەگى بەس وقۋ ورنىنىڭ ستۋدەنتتەرى قاتىسىپ, «تانىستىرۋ», «تاعىلىمدى تاريح», «ەگەمەن قازاقستان بولاشاقتا», «ۇلتتىق باسىلىم – ۇلتتىق ءتىل» كەزەڭدەرى بويىنشا باقتارىن سىنادى.
سايىس قورىتىندىسىندا وسكەمەندەگى د.سەرىكباەۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ «كوك تۇرىك» كومانداسى العىس حاتپەن ماراپاتتالسا, سەمەي مەديتسينا ۋنيۆەرسيتەتىنىڭ «دوستار» كومانداسى 3 ورىندى يەلەندى. جۇلدەلى 2 ورىن سەمەيدەگى م.اۋەزوۆ اتىنداعى پەدوگيكالىق كوللەدجدىڭ «رۋحانيات» كومانداسىنا بۇيىرسا, 1 ورىندى قازاقستان-امەريكا ەركىن ۋنيۆەرسيتەتىنىڭ «ۇشقىن» كومانداسى قانجىعاسىنا بايلادى. باس جۇلدەنى سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ «التاي اقپارات» كومانداسى جەڭىپ الدى. جەڭىمپازدار مەن جۇلدەگەرلەردىڭ بارلىعىنا باسقارما اتىنان باعالى سىيلىقتار تاپسىرىلدى. «بايقاۋدىڭ اتى ايتىپ تۇرعانداي ۇلتتىق باسىلىم, ۇلتتىق ءتىل ءبىر ۇعىمدار. «Egemen Qazaqstan» گازەتى مەن مەملەكەتتىك ءتىل ەگىز ۇعىم دەسەك ارتىق ايتپايمىز. باسىلىم ءتىل تازالىعىنا ءاردايىم ءمان بەرەدى. كوپ گازەتتەر وسى باسىلىمعا قاراپ بوي تۇزەيدى.
گازەتتىڭ ءبىر عاسىرلىق تاريحى ۇلكەن, ماعىنالى, ءماندى تاريح. وبلىستاعى مەملەكەتتىك ءتىل ساياساتىن جۇزەگە اسىرىپ وتىرعان باسقارما بولعاندىقتان مەرەيلى داتانى ەسكەرۋسىز قالدىرۋدى ءجون كورمەدىك. شارانى جاستار جىلى اياسىندا ستۋدەنت جاستاردىڭ اراسىندا ۇيىمداستىرۋدى ۇيعاردىق» دەيدى باسقارمانىڭ ءبولىم باسشىسى ساۋلە قاليعازينا.
وسكەمەن